آندھراپردیش: 90 کلو گانجا ضبط ، دو افراد گرفتار

جنوبی ریاست آندھرا پردیش کے ضلع کرشنا میں 90 کلو گانجا ضبط کیا گیا اور دو کو حراست میں لیا گیا۔

آندھراپردیش پولیس نے ضلع کرشنا کے کیساراپلے کے علاقے میں دو افراد کو حراست میں لیا اور چار لاکھ مالیت کا 90 کلو گرانجا (بھنگ) ضبط کیا۔

ضلع کرشنا کے گنورامم پولیس اسٹیشن کے سرکل انسپکٹر (سی آئی) نے میڈیا کو بتایا کہ 'دو افراد گگلوٹ ننداراجو اور ملاوت سائی کمار کو 90 کلو گانجا کے ساتھ حراست میں لیا گیا۔ جو کار میں راجمندری سے کھمم لے جا رہے تھے'۔

انہوں نے کہا کہ 'گگلوٹ ننداراجو اور ملاوت سائی کمار تلنگانہ کے ضلع کھمم کے کڑپلی منڈل کے رہائشی ہیں'۔

پولیس عہدیدار نے بتایا کہ 'گنورامم پولیس اسٹیشن کی ایک ٹیم کیسارپلی موڑ پر گاڑیاں چیک کررہی تھی کہ ملزمان کو منشیات کے ساتھ حراست میں لیا گیا'۔

انہوں نے بتایا ہے کہ 'مشتبہ افراد کی گاڑی کو چیک کیا گیا اور پولیس کو تقریبا چار لاکھ روپے مالیت کا 90 کلو گانجا ملا'۔

دونوں ملزمان کے خلاف مقدمہ درج کیا گیا ہے اور تفتیش جاری ہے۔