ملک میں کورونا سے 81533 مریض ایک دن میں صحتیاب

پورے ملک میں گزشتہ چوبیس گھنٹوں کے دوران 97,570 لوگوں کے کورونا متاثر ہونے کی رپورٹ کے دوران اب تک سب سے زیادہ 81,533 کورونا انفیکشن کے صحتیاب ہونے سے قومی اوسط ٹھیک ہونے کی شرح بڑھ کر 77.77 ہوگئی ہے۔

مرکزی وزارت صحت وخاندانی فلاح وبہبود کی جانب سے سنیچر کو جاری اعدادوشمار کے مطابق گزشتہ چوبیس گھنٹوں کے دوران پورے ملک میں 81,533 کورونا انفیکش سے متاثر صحتیاب ہوئے ہیں جس سے اب تک کورونا انفیکشن سے صحتیاب ہونے والے لوگوں کی تعداد بڑھ کر 36,24,196 ہوگئی ہے۔

وزارت نے آج بتایا کہ گزشتہ چوبیس گھنٹوں کے دوران کورونا انفیکشن سے صحتیاب ہونے والے لوگوں میں سے ساٹھ فیصد لوگ ملک کے پانچ ریاستوں مہاراشٹر (19.7 فیصد)، تمل ناڈو ( 12.3 فیصد)، آندھرا پردیش (12.0 فیصد) ، کرناٹک (9.2فیصد) اور اترپردیش (6.3) فیصد کے ہیں۔

سرکاری اعدادوشمار کے مطابق گیارہ ستمبر کو کورونا انفیکشن سے صحتیاب ہوئے لوگوں میں مہاراشٹر کے 14,308،کرناٹک کے 12,545، آندھرا پردیش کے 11,069، تمل ناڈو کے 6,006، اترپردیش کے 5,936، اڈیشہ کے 4,061، مغربی بنگال کے 3,016، دہلی کے 2,754، آسام کے 2,628 اور تلنگانہ کے 2,458 لوگ شامل ہیں۔