آج جی ایس ٹی کونسل کا 41 واں اجلاس ہونے والا ہے۔ غیر بی جے پی حکمرانی والی ریاستیں جی ایس ٹی کے نفاذ کی وجہ سے محصول میں ہونے والے نقصان کی تلافی کے لئے مودی سرکار کے خلاف متحرک ہو رہی ہیں۔ اس اجلاس سے ایک روز قبل حزب اختلاف کے رہنماؤں نے حکومت کو گھیرنے کے لبے مکمل منصوبے بنائے ہیں۔
یہ بھی پڑھیں۔ احتیاطی تدابیر، عزاداری کیلئے لازمی: اسکالرز
میٹنگ میں جن چیزوں پر ممکنہ طور پر غور کیا جاسکتا ہے ان میں مارکیٹ سے قرضے، سیس کی شرح میں اضافہ یا معاوضہ سیس کے تحت آنے والی اشیاء کی تعداد میں اضافہ شامل ہیں، کپڑا اور جوتے چپل جیسے کچھ مصنوعات کے خام مال پر ٹیکس سے متعلق کچھ اعلانات بھی کیے جاسکتے ہیں۔
جی ایس ٹی کونسل کے اجلاس سے قبل حزب مخالف جماعتوں کی ریاستوں کے وزرائے اعلیٰ نے بدھ کے روز اس معاملے میں مشترکہ حکمت عملی تیار کرنے کے لیے ورچول ملاقات کی۔
