بنگال میں کورونا وائرس سے خاتون کی موت

مغربی بنگال میں کورونا وائرس سے پیر کو ایک خاتون کی موت کے ساتھ ہی ریاست میں اس وبا سے مرنے والوں کی تعداد بڑھکر دو ہوگئی ہے۔

موصول رپورٹ کے مطابق دارجلنگ کے کلمپونگ ضلع کی گوروبتھان کی رہنے والی 56سالہ مہاجر مزدور کو رات کورونا وائرس کے انفیکشن کی تصدیق ہوئی تھی۔این آئی سی ای ٹی نے خاتون مزدور میں انفیکشن کی تصدیق کی تھی۔

خاتون مزدور کو 26مارچ کو شمالی بنگال میڈیکل کالج اور اسپتال(این بی ایم سی ایچ)میں داخل کرایا گیا تھا۔وہ اپنی بیٹی کا علاج کرانے سات مارچ کو چنئی گئی تھی اور 19مارچ کو وہ اپنی بیٹی کے ساتھ چنئی سے واپس لوٹی تھی۔

کووڈ 19 سے متاثرہ خاتون کی آج صبح این بی ایم سی ایچ میں موت ہوگئی۔

واضح رہے کہ بنگال میں اس سے پہلے بھی کورونا سے متاثر ایک شخص کی موت ہوچکی ہے جبکہ اب تک 18لوگ اس میں مبتلا ہوئے ہیں۔