بہار میں مجموعی طور پر کووڈ-19 کے 28 مثبت واقعات رپورٹ ہوئے۔ جس کے بعد اس وائرس سے متاثرہ افراد کی تعداد 251 ہوگئی۔ ریاست کے کل 38 اضلاع میں سے 21 اضلاع میں کووڈ-19 کے کیسز رپورٹ ہوئے ہیں۔
محکمہ صحت کے ایک اعلی عہدیدار نے بتایا کہ 'بہار میں کورونا وائرس کے تازہ ترین 28 واقعات رپورٹ ہوئے ، جس سے ریاست میں مریضوں کی کل تعداد 251 ہوگئی ہیں'۔
پرنسپل سکریٹری برائے صحت سنجے کمار کے مطابق 'پٹنہ ضلع میں سات کیسوں میں اضافہ دیکھا گیا ۔ اس کے بعد کمور میں (6) اور بکسار میں (5) واقع ہوئے ہیں'۔
جمال پور قصبے میں تین تازہ واقعات رپورٹ ہوئے جن میں جمعہ کے روز 30 مقدمات درج ہوئے تھے۔ اس کے علاوہ وسطی بہار کے ضلع اروال میں اپنا پہلا کیس رپورٹ کیا گیا۔ روہتاس میں دو کیس ہوئے جبکہ گیا، بھوج پور، سرن اور واشالی میں ایک ایک کیس درج کیا گیا۔
شہر کے گنجان آباد مغربی کونے میں واقع کھجپورہ ایک ہاٹ سپاٹ کے طور پر ابھرا ہے جہاں انفیکشن کا آغاز گذشتہ ہفتے ہوا جب سانس کی تکلیف کے باعث پٹنہ کے ایمس میں داخل ہونے والی ایک خاتون کو کورونا مثبت ہوا ہے۔
