گجرات میں گزشتہ 24 گھنٹے میں کورونا وائرس کووڈ۔19 انفیکشن سے مزید 20 لوگوں کی موت ہوگئی اور اس کے 324 نئے معاملے سامنے آئے ہیں۔
اس سے پہلے گزشتہ تین دنوں میں بالترتیب 29، 24، 20 اموات ہوئی تھی اور نئے معاملات کی تعداد بالترتیب 364، 362، 347 رہی تھیں۔
آج 19 اموات احمد آباد میں اور ایک موت سورت میں ہوئی ہے۔
محکمہ صحت کی ریلیز کے مطابق اب تک ہوئی کل اموات کی تعداد اب بڑھ کر 586 ہو گئی ہے جبکہ کل انفیکشن کی تعداد 9592 پر پہنچ گئی ہے۔
گزشتہ 24 گھنٹے میں 191 لوگوں کو ہسپتالوں سے چھٹی دی گئی ہے جن میں سے 135 احمد آباد، 8 وڈودرا اور 12 سورت کے ہیں۔ اس کے ساتھ ہی اب تک صحت مند ہوئے متاثرہ افراد کی کل تعداد بڑھ کر 3753 ہو گئی ہے۔
صحت مند ہونے کی شرح تقریبا ساڑھے 38 فیصد ہو گئی ہے۔ چار دن سے مرکزی حکومت کے نئے قوانین کے مطابق بھی لوگوں کو ہسپتال سے چھٹی دے کر ہوم کورنٹن میں بھیجا جا رہا ہے۔ اس میں بغیر علامات والے ایسے متاثرہ ہیں جنہیں مسلسل تین دن تک بخار نہیں آیا ہو۔
