ریاست مہاراشٹرا کے ضلع تھانے کے کلوا علاقہ میں زمین کھسکنے سے ایک ہی خاندان کے دو افراد ہلاک ہوگئے اور ایک زخمی ہوگیا۔
یہ واقعہ آج صبح اس وقت پیش آیا جب ایک پہاڑ کا کچھ حصہ ایک گھر پر گر گیا جس سے ایک دیوار منہدم ہوگئی۔ اس حادثہ میں دو افراد ملبہ میں دب گئے۔
اس موقع پر پولیس کے علاوہ فائر بریگیڈ عملہ اور دوسرے محکمہ کے افراد مقامی عوام کی مدد کے لیے موجود تھے۔
ملبہ میں دبے افراد کو کلوا کے چھتر پتی شیواجی مہاراج ہسپتال لے جایا گیا جہاں ڈاکٹروں نے انہیں مردہ قرار دیا۔
آدرشی چلی پہاڑ کے کچھ حصہ خطرناک ہیں جو کبھی بھی گرسکتے ہیں اس لئے وہاں کے چند خاندانوں کو قریبی گیان گنگا اسکول منتقل کیا گیا ہے۔
