ٹریورس نے کہا کہ ہوم لینڈ سیکورٹی کمیٹی کے سامنے ایک رپورٹ پیش کر کے اس بات کی اطلاع دی ہے۔
انہوں نے کہا 'ہمارا ماننا ہے کہ موجودہ وقت میں شام اور عراق میں آئی ایس کے کم از کم 14 ہزار جنگجو سرگرم ہیں، جبکہ پانچ سے چھ برس پہلے ایسا نہیں تھا تب آئی ایس کے تقریباً ایک ہزار جنگجو ہی سرگرم تھے'۔
انہوں نے بتایا کہ آئی ایس کی افغانستان اور پاکستان سمیت دنیا میں تقریبا 20 ہزار رجسٹرڈ شاخیں ہیں جہاں اس کے ہزاروں جنگجوؤں کو تربیت دی جارہی ہے۔
خیال رہے کہ امریکی صدر ڈونالڈ ٹرمپ نے اتوار کو اسلامک اسٹیٹ کے سرغنہ ابوبکر البغدادی کے فوج کی خصوصی مہم میں مارے جانے کا اعلان کیا تھا۔
سنہ 2014 میں بغدادی نے خود کو اسلامی اسٹیٹ کا خلیفہ قرار دیا تھا جس کے بعد سے ہی اس کے کئی بار مارے جانے کی خبریں آتی رہی ہیں۔
