ان اراکین اسمبلی میں شریمنت پٹیل، روشن بیگ، آنند سنگھ ، وشوناتھ اور شومیشکر شامل ہیں۔
اسپیکر نے واضح کیا کہ یہ اراکین 15 ویں اسمبلی تحلیل ہونے تک کسی بھی انتخاب میں حصہ نہیں لے سکیں گے لیکن اگلا انتخاب لڑسکتے ہیں۔
واضح رہے کہ کرناٹک میں ان 16 اراکین اسمبلی کے اچانک استعفیٰ دینے سے کانگریس جے ڈی ایس اتحاد والی حکومت گرگئی ہے اور بی جے پی نے حکومت بنانے کا اعلان کیا ہے۔
کرناٹک میں کل بی جے پی کی جانب سے تحریک اعتماد پیش کی جائے گی۔ بی جے پی صدر بی ایس یدی یورپا نے اسپیکر سے خواہش کی ہے کہ وہ تحریک اعتماد کی نگرانی کریں۔
اسمبلی اسپیکر نے تمام اراکین اسمبلی سے کل تحریک اعتماد میں موجود رہنے کی بات کہی ہے۔ امکان ظاہر کیا جا رہا ہے کہ بی جے پی کے پاس اکثریت کے لیے جو تعداد درکار ہے، وہ موجود ہے اور وہ حکومت سازی میں کامیاب ہوجائے گی۔
16 اراکین کو نااہل قرار دینے کے بعد کرناٹک اسمبلی کے اراکین کی تعداد 210 رہ گئی ہے جبکہ بی جے پی کے پاس 105 اراکین اسمبلی ہیں اور ایک آزاد رکن اسمبلی کی بھی انہیں حمایت حاصل ہے۔
