کرناٹک کے دھرواڑ میں سڑک حادثہ، 11 ہلاک، وزیراعظم کا اظہار افسوس

کرناٹک کے دھرواڑ میں واقع اتیگتی گاؤں کے قریب آج علی الصبح ایک منی بس، ڈمپر سے ٹکراگئی۔ اس سڑک حادثہ میں 11 افراد ہلاک ہوگئے۔

اتیگتی گاؤں میں پیش آئے بھیانک سڑک حادثہ کے بعد زخمیوں کو دھرواڑ کے ضلع ہسپتال منتقل کیا گیا۔ حادثہ میں 11 افراد ہلاک ہوگئے۔

پولیس کے مطابق حادثہ کے بعد منی بس میں پھنسی 11 لاشوں کو ضلع ہسپتال کے مردہ خانہ منتقل کردیا گیا۔

کرناٹک: بھیانک سڑک حادثہ، نو ہلاک

وزیراعظم نریندر مودی نے اس حادثہ میں 11 افراد کی ہلاکت پر افسوس کا اظہار کیا۔ وزیراعظم نے ٹوئٹ کیا کہ ’دھرواڑ حادثہ کے نتیجہ میں انسانی جانوں کے ضائع ہونے پر غمزدہ ہوں اور اس دکھ کی اس گھڑی میں سوگوار خاندانوں کے ساتھ ہوں جبکہ زخمیوں کی جلد صحتیابی کےلیے دعاگو ہوں‘۔