گجرات میں گزشتہ 19 مارچ کو کورونا کا پہلا معاملہ سامنے آیا تھا جو تیزی سے ہر روز بڑھتا جا رہا یے جس کی وجہ سے اب گجرات میں کورونا متاثرین کی تعداد 871 تک پہنچ گئی ہے۔
اب تک 36 افراد کی کورونا وائرس کے سبب موت ہو چکی ہے کل شام سے 105 نئے پوزیٹیو کیسس درج کیے گئے ہیں.
ان 871 میں سے صرف احمدآباد کے 492 کیسز درج کیے گئے ہیں۔
کورونا وائرس کے تعلق سے پرنسپل سیکرٹری ہیلتھ اینڈ فیملی ویلفیر گجرات ڈاکٹر جینتی روی نے ایک پریس کانفرنس کرتے ہوئے کورونا وائرس کے بڑھتی تعداد کے تعلق سے جانکاری دی اور کہا کہ 'کورونا کے تیزی سے معاملے بڑھ رہے ہیں ہمیں کورونا سے بچنے کے لیے ہر ممکن کوشش کرنے کی ضرورت ہے'۔
تاہم احمدآباد میں متعدد مقامات کو ہاٹ اسپوٹ نامزد کدیا گیا ہے۔
