تری پورہ کے امتالی پولیس اسٹیشن کے انسپکٹر سبراتا چکراورتی نے کہا کہ پولیس نے دو افراد کو گرفتار کیا ہے جس میں ایک خاتون بھی شامل ہے ۔
پولیس نے دعویٰ کیا کہ گرفتار ملزمین کے پاس سےجو براؤن شوگربرآمد کیا گیا ہے وہ کار میں اگرتلہ سے شمالی جنوب علاقہ کے ادے پور سٹی میں سپلائی کرنے جارہے تھے۔
سبراتا چکراورتی نے بتایا کہ کار ڈرائیور مرن شیل جو ابھی جلد ہی بی ایس ایف سے سبکدوش ہوا ہے اور اس خاتون کا بھی اس غیرقانونی کام میں ایک بڑا رول ہے۔
ڈرائیور کے ساتھ گرفتار ہونے والی خاتون رنجیتا گھوش غیر قانونی منشیات کی بڑی اسمگلر مانی جاتی ہے۔
انہوں نے کہا کہ دونوں ملزمین کو عدالت میں پیش کر ریمانڈ حاصل کیا جائے گا۔ اور اس بات کی تحقیق کی جائے گی کہ اس غیر قانونی کام میں کتنے افراد ملوث ہیں۔
