منشیات کے خلاف مہم: بانڈی پورہ میں بھنگ کی کاشت تباہ

پولیس نے کمیونٹی ممبران سے گزارش بھی کی ہے کہ اگر ان کے پڑوس میں کہیں منشیات کا کاروبار یا اس کی پیداوار ہو رہی ہو تو اس سے متعلق جانکاری فراہم کریں اور پولیس کے ساتھ تعاون کریں۔

شمالی کشمیر کے ضلع بانڈی پورہ میں منشیات کے خلاف اپنی کارروائی جاری رکھتے ہوئے حاجن پولیس کی جانب سے آج بھنگ کی کاشت کو تباہ کیا گیا-
حاجن پولیس نے منشیات کے خلاف کارروائی جاری رکھتے ہوئے ایس ڈی پی او حاجن اور ایس ایچ او حاجن کی نگرانی میں کوسم باغ ہاکبارہ میں بڑے پیمانے پر بھنگ کی کاشت تباہ کی اور بعد میں اسے جلا کر راکھ کردیا گیا-

پولیس کی طرف سے کمیونٹی ممبران سے گزارش بھی کی گئی کہ اگر ان کے پڑوس میں کہیں منشیات کا کاروبار یا اس کی پیداوار ہو رہی ہو تو اس سے متعلق جانکاری فراہم کریں اور پولیس کے ساتھ تعاون کریں۔ منشیات کی خریدو فروخت میں ملوث افراد کے خلاف قانون کے مطابق کارروائی کی جائے گی، تاکہ معاشرے کو اس وبا سے پاک و صاف رکھا جائے۔

اُدھر مقامی لوگوں نے بھی منشیات کے خلاف پولیس کی اس کارروائی کی کافی سراہانہ کی ہے اور اس طرح کی کوششیں جاری رکھنے کا بھی مطالبہ کیا-