عائشہ سلطانہ نے عدالت میں دائر عرضی میں کہا کہ اگر وہ جزیرہ کاوارتی پہنچتی ہیں تو ان کی گرفتاری کا امکان ہے۔ عدالت اس عرضی پر کل سماعت کرے گی۔
عائشہ سلطانہ نے لکشدیپ میں پرفل پٹیل انتظامیہ کی جانب سے نئے قوانین متعارف کروائے جانے پر شدید تنقید کی تھی جس کے بعد ان پر غداری کے الزامات کے تحت مقدمہ درج کیا گیا تھا۔
انہوں نے ملیالم ٹی وی چینل پر ایک مباحثہ میں حکومت پر شدید تنقید کی تھی۔ کاوارتی پولیس کا کہنا ہے کہ عائشہ سلطانہ نے مباحثہ کے دوران لکشدیب کے ایڈمنسٹریٹر پرفل پٹیل کو ایک حیاتیاتی ہتھیار قرار دیا تھا۔
ان پر دفعہ 124 اے اور 153 بی کے تحت مقدمہ درج کیا گیا ہے۔ لکشدیب کے بی جے پی صدر عبدالقادر نے ان کے خلاف مقدمہ درج کروایا ہے۔
