آسام پولیس کے ترجمان کے مطابق ہفتہ کے روز آسام پولیس نے افغانستان کی تازہ ترین صورتحال اور طالبان کی حمایت میں سوشل میڈیا میں پوسٹ ڈالنے کے الزام میں 14 افراد کو گرفتار کیا ہے۔
گرفتار شدہ افراد میں مولانا فیضل کریم، ابوبکر صدیق، سعد الحق، جاوید مجوندار، مجید الاسلام، فاروق حسین خان، سید احمد، ارمان حسین، ندیم اختر، کھنداکر نور عالم، مولانا یاسمین خان، مولانا بشیرالدین لشکر، مجیب الدین اور مرتضٰی حسین خان شامل ہیں۔
آسام پولیس نے طالبان کی سرگرمیوں سے متعلق سوشل میڈیا پوسٹ کرنے کے الزام میں 14 افراد کو گرفتار کیا ہے۔ حالانکہ آسام اسپیشل ڈائریکٹر پولیس کی جانب سے لوگوں کو ہدایت دی گئی تھی کہ افغانستان کی تازہ ترین صورتحال پر سوشل میڈیا میں کچھ پوسٹ کرنے سے احتیاط برتیں۔'
- مزید پڑھیں: مشہور شاعر منور رانا کے خلاف لکھنئو میں معاملہ درج
- طالبان صحیح ہیں یا غلط یہ مستقبل طے کرے گا: مولانا ارشد مدنی
آسام پولیس کے ایک سینیئر عہدیدار نے کہا کہ' ہم سوشل میڈیا پر کڑی نظر بنائے ہوئے ہیں۔ ہم ایسے افراد کے خلاف سخت کارروائی کریں گے جو افغانستان کی تازہ ترین صورتحال پر سوشل میڈیا میں پوسٹ کرتا ہو۔ مزید ان کے خلاف جرائم کے کیس درج کیے جائیں گے اگر ان کے پوسٹ قومی سلامتی کے خلاف پائے جائیں گئے۔'
