نئی دہلی: قومی دارالحکومت دہلی میں آلودگی کو کم کرنے کے لیے تعمیراتی اور انہدامی کارروائی کے مقامات پر اینٹی اسموگ گنز لگانےکا فیصلہ کیا گیا ہے۔ اس سلسلے میں ایئر کوالٹی مینجمنٹ کمیشن (سی اے کیو ایم) نے پیر کو ریاستی آلودگی کنٹرول بورڈ (ایس پی سی بی) اور دہلی آلودگی کنٹرول کمیٹی (ڈی پی سی سی) سے صورتحال کو بہتر بنانے کے لیے سخت اقدامات کرنے کو کہا ہے، نیز یہ بھی کہا ہے کہ کمیشن کی حالیہ قانونی ہدایت کے مطابق تمام سی اینڈ ڈی سائٹس کو تعمیراتی رقبے کے لحاظ سے درج ذیل پیرامیٹرز کے مطابق مناسب تعداد میں اینٹی اسموگ گنز تعینات کی جائیں۔Anti smog guns should be installed in construction area
مزید پڑھیں:۔ Delhi NCR Air Pollution دہلی این سی آر میں آتش بازی کے سبب آلودگی کی سطح انتہائی خراب
سی اینڈ ڈی سرگرمیوں کی دھول فضائی آلودگی کا ایک بڑا ذریعہ ہے اور این سی آر میں پی ایم 2.5 اور پی ایم 10 کی سطح میں اضافے کا ذمہ دار ہے۔ کمیشن نے سی اینڈ ڈی سائٹس پر پیدا ہونے والی دھول کی بڑی مقدار کو کم کرنے کے لیے پانی کے چھڑکاؤ، اینٹی اسموگ گنز، اسپرینکلرز کے استعمال کا مشورہ دیا ہے۔ کمیشن نے کہا کہ 5000 - 10,000 مربع میٹر کے درمیان کل تعمیراتی رقبہ کے لیے کم از کم 10,001 1,- 15,000 مربع میٹر کے درمیان کل تعمیراتی رقبہ کے لیے کم از کم 2,15,001 - 20,000 مربع میٹر کے درمیان کل تعمیراتی رقبہ کے لیے کم از کم 2 اور کم از کم 4 ہونا چاہیے۔ 20,000 مربع میٹر سے زیادہ کے کل تعمیراتی علاقے کے لیے اسموگ گن ہونے چاہئیں۔ جولائی میں، کمیشن نے دھول کو کم کرنے کے لیے سی اینڈ ڈی سرگرمیوں کے انتظام کے لیے ایک جامع پالیسی بنائی تھی، جس کے تحت اینٹی سموگ گنز کی تعیناتی بھی تجویز کی گئی تھی۔
