کشتواڑ پولیس نے خاتون کی جان بچائی

کشتواڑ کے گاوں ہولر میں فاطمہ بیگم زوجہ مدثر حسین ساکنہ ہولر نے چناب میں خود کشی کرنے کی کوشش کی تھی پر ایس ایچ او کشتواڑ عابد بخاری کو جیسے ہی اس بارے میں پتہ چلا تو پوری پولیس لے کر علاقہ میں پہنچے اور فاطمہ بیگم کو چناب پہنچنے سے پہلے ہی پکڑ لیا اور اس کو بچا لیا۔

ایس ایچ او کشتواڑ نے ایک پریس بیان جاری کرتے ہوئے کہا کہ فاطمہ بیگم اور مدثر حسین میں آپسی لڑائی جھگڑا ہوا تھا اور فاطمہ بیگم خود کشی کے لیے دریا چناب کی طرف گئی تھی۔ پولیس موقع پر پہنچ گئی۔

ایس ایچ او کشتواڑ نے کہا کہ ہم اس بارے میں تحقیقات کر رہے ہیں اور اس معاملے پر سختی سے کارروائی کی جائے گی۔