مدھیہ پردیش کے ضلع گنا میں ایک واقعہ نے سب کو حیرت زدہ کردیا، بتایا جارہا ہے کہ ڈسٹرکٹ اسپتال میں ایک 63 سالہ شخص کی کورونا کی وجہ سے موت ہوگئی۔ موت کے بعد بوڑھے کے ناراض بیٹے نے اسپتال کے کووڈ وارڈ میں توڑ پھوڑ کی۔ اسپتال انتظامیہ نے دعویٰ کیا ہے کہ مشتعل نوجوان نے کووڈ وارڈ کی مرکزی آکسیجن سپلائی توڑنے کی کوشش کی۔ ہنگامہ آرائی کے دوران اس نوجوان نے اسپتال میں نصب آکسیجن کنسنٹریٹر کو بھی توڑ دیا۔
خبر کے مطابق ہنگامہ برپا کرنے والا نوجوان پون سریواستو ہے۔ جس کے والد آر ڈی سریواستو کا علاج کے دوران انتقال ہوگیا۔ جب ہسپتال کے عملے نے یہ معلومات پون سریواستو کو دی تو وہ پرجوش ہوگیا اور ہنگامہ کھڑا کرنے کے لیے بضد ہوگیا۔
یہ سارا واقعہ صبح 5 بجے کا ہے۔ تاہم ہنگامہ کھڑا کرنے والے لڑکے کو وارڈ بوائے اور اسپتال کے دوسرے عملے نے کنٹرول کرلیا۔ اسپتال انتظامیہ کے مطابق اگر آکسیجن کی سنٹرل لائن کو توڑدیا جاتا تو وارڈ میں شریک 22 مریضوں کی موت ہوسکتی تھی۔
