گزشتہ 25 دنوں سے اپنے مطالبات کو لےکر دہلی کے وزیر اعلیٰ اروندکیجریوال کی رہائش گاہ پر مظاہرہ کررہی آنگن واڑی کارکنان کے مطالبات کو تسلیم کرتے ہوئے ان کے ماہانہ اجرت میں اضافہ کیا ہے Anganwadi Workers Pay Rise۔
دہلی حکومت کی کابینہ کی میٹنگ Cabinet Meeting of Delhi Government میں آنگن واڑی کارکنان کے تنخواہ میں اضافہ کرکے 12,720 روپے کردیا ہے۔ یہ جانکاری دہلی حکومت کے سماجی بہبود کے وزیر راجندر پال گوتم نے دی۔ انہوں نے کہا کہ یہ رقم پورے ملک میں سب سے زیادہ ہے۔
راجندر پال گوتم نے کہا کہ دہلی حکومت نے اب آنگن واڑی کارکنان کی تنخواہیں بڑھا کر 11,220 روپے کردی گئی ہیں اور ٹرانسپورٹ اور کمیونیکیشن الاؤنس کو بڑھا کر 1,500 روپے کر دیا ہے۔ ساتھ ہی معاونین کی تنخواہ 4,839 روپے سے بڑھا کر 5,610 روپے کر دی گئی ہیں۔ وزیر نے کہا کہ وہ 1,200 روپے بطور کنوینس اور کمیونیکیشن الاؤنس بھی حاصل کریں گے۔
بتادیں کہ اب تک آنگن واڑی کارکنان کو 9,678 روپے ماہانہ اور 200 روپے موبائل فون کی دیکھ بھال کے لیے مواصلاتی الاؤنس کے طور پر ادا کیے جاتے تھے۔ گوتم نے دعویٰ کیا کہ آنگن واڑی کارکنان کے لیے 12.720 روپے اور مددگاروں کے لیے 6,810 روپے کا کل اعزازیہ پورے ملک میں سب سے زیادہ ہوگا۔ وزیر نے ہڑتالی آنگن واڑی کارکنان اور مددگاروں سے اپیل کی کہ وہ اپنی ڈیوٹی پر جائیں اور خواتین اور بچوں میں غذائی اجزا کی تقسیم شروع کریں۔
