وائس چانسلر پروفیسر طارق منصور نے کہا کہ علی گڑھ مسلم یونیورسٹی وزیر اعظم ہند اور وزیر تعلیم کی شکر گزار ہے کہ انہوں نے ہماری دعوت قبول کی جس سے ملک اور دنیا بھر میں پھیلی اے ایم یو برادری میں اہم پیغام جائے گا۔
انہوں نے کہا کہ "ایک صدی کسی بھی یونیورسٹی کی تاریخ کے لیے یادگار ہوتی ہے اور اپنے عظیم ادارے کے سو سال مکمل ہونے کی خوشی میں ہونے والی تقریبات میں ہم نے صدر جمہوریہ، وزیر اعظم، وزیر تعلیم اور وزیر اقلیتی امور سمیت نامور ہستیوں اور نمایاں ترین سابق طلباء کو مدعو کیا ہے۔ صد سالہ تقریبات میں صدر جمہوریہ کی شرکت بھی متوقع ہے"۔صدی تقریبات کے موقع اے ایم یو وائس چانسلر پروفیسر طارق منصورکی اپیل مزید پڑھیں:اے ایم یو صدی تقریب میں وزیر اعظم سے خاص اعلانیہ کی امید
اعلی تعلیم کے ممتاز ادارے کے طور پر اے ایم یو نے ملک کو دو بھارت رتن سرحدی گاندھی خان عبدالغفار خان اور ڈاکٹر ذاکر حسین کی شکل میں دیے ہیں۔
علم کے مختلف شعبوں میں اے ایم یو کی خدمات بے مثال ہیں اور اس کے متعدد طلبا اور اساتذہ کو پدم ایواڈوں، صدر جمہوریہ ایوارڈ، گیان پیٹھ، سر سوتی سمان، ساہتیہ اکیڈمی ایوارڈ سے نوازا گیا ہے۔
اے ایم یو کے سائنس شعبوں کے متعدد اساتذہ انڈین نیشنل سائنس اکیڈمی کے فیلور رہے ہیں اور انھیں شانتی سروپ بھٹناگر ایوارڈ سمیت متعدد اعزازات سے نوازا جا چکا ہے۔
