آن لائن بین الاقوامی کارپوریٹ میٹ کی افتتاحی تقریب میں خطاب کرتے ہوئے وائس چانسلر پروفیسر طارق منصور نے کہا کہ کارپوریٹ میٹ کاروباری دنیا اور تعلیمی اداروں کے درمیان باہمی طور سے مفید رابطے استوار کرنے کے لئے اہم ہے اور اے ایم یو کے طلبہ کو یہاں اپنی تعلیم شروع کرنے کے پہلے دن سے ہی ملازمت کے بازار کے لئے خود کو تیار کرنا چاہئے۔
پروفیسر طارق منصور نے زور دیتے ہوئے کہا کہ طلبہ کارپوریٹ کے آداب سیکھیں اور اپنے آپ کو کارپوریٹ دنیا کے لئے تیار کرنے کے لئے مناسب مہارت حاصل کریں۔
انہوں نے اے ایم یو کے سابق طلبہ کے ساتھ نیٹ ورکنگ کی اہمیت بیان کرتے ہوئے کہا کہ پوری دنیا کے ساتھ تعلقات استوار کرنے میں ان کا اہم کردار ہو سکتا ہے۔
اے ایم یو کے ٹریننگ اینڈ پلیسمنٹ دفتر کے زیراہتمام تین اکتوبر کو آن لائن بین الاقوامی کارپوریٹ میٹ منعقد کی گئی جس میں بین الاقوامی سطح کی کارپوریٹ کمپنیوں کے ساتھ اے ایم یو کے تقریباً 800 طلبہ نے شرکت کر پر طلبہ نے اپنے بہت سارے سوالات اور الجھنوں کو دور کیا۔
بین الاقوامی کارپوریٹ میٹ میں حصہ لینے والے طلبہ اور رضا کاروں کا کہنا ہے کہ ہمیں اس کارپوریٹ میٹ میں حصہ لے کر بہت فائدہ ہوئے ہیں۔ ہمارے ذہن میں جو الجھنیں جو کارپوریٹ سے متعلق سوالات تھے ان کا جواب ملا۔ جس کے مطابق اب ہم اپنے آپ کو کارپوریٹ کی ملازمت کے مطابق تیار کر سکتے ہیں۔ کارپوریٹس کی دنیا میں کس طرح کی نوکریاں ہیں اور کس طرح کی ملازمت کی ضرورت ہوتی ہے، سب ہم کو معلوم چلا جس کے لئے ہم یونیورسٹی ٹریننگ اینڈ پلیسمینٹ دفتر کا شکر ادا کرتے ہیں۔
اے ایم یو ٹریننگ اینڈ پلیسمنٹ دفتر کے (ٹی پی او) سعد حمید نے بتایا بین الاقوامی کارپیٹ میٹ کرانے کا مقصد یونیورسٹی کے طلبہ اور کارپوریٹ کے بیچ تعامل تھا۔ جس سے اے ایم یو میں تعلیم حاصل کرنے والے طلبہ کو معلوم چلیں۔ کارپوریٹ میں کس طرح کی ملازمت کی ضرورت ہوتی ہے اور اس کے مطابق طلبہ تعلیم حاصل کرنے کے دوران ہی اپنے آپ کو تیار کریں۔
موجودہ وقت میں خاص کر کورونا وبا کے بعد اب کارپوریٹ میں کس طرح کی ملازمت کی ضرورت ہے جس کے مطابق طلبہ اپنے آپ کو تیار کرسکیں۔ آن لائن بین الاقوامی کارپوریٹ میٹ کرانے کا مقصد یہی تھا جس میں تقریباً آٹھ سو سے زیادہ میں کے طلبہ کے ساتھ کئی بین الاقوامی سطح کی کمپنیوں نے بھی شرکت کی۔
آن لائن بین الاقوامی کارپوریٹ میٹ کو منعقد کرانے میں تعاون کرنے والے رضا کاروں کو آج اے ایم یو کے ٹریننگ اینڈ پلیسمینٹ دفتر میں سرٹیفکیٹ تقسیم کئے گئے۔ طلبہ نے خوشی کا اظہار کرتے ہوئے کہا کہ کارپوریٹ میٹ کے دوران کچھ کمپنیوں نے ہم کو انٹرنشپ اور نوکریاں فراہم کرنے کے بہترین مواقع بھی فراہم کئے ہیں۔
