'کوئی پروپیگنڈا بھارت کے اتحاد کو توڑ نہیں سکتا'

کسان تحریک پر پاپ سنگر ریحانہ کے ٹویٹ کے بعد چھڑے گھمسان میں اب مرکزی وزیر داخلہ امت شاہ بھی کود پڑے ہیں۔ وزیر داخلہ نے ایک ٹویٹ میں کہا کہ 'کوئی پروپیگنڈا ملک کے اتحاد کو نہیں توڑ سکتا۔ بھارت متحد ہو کر کھڑا ہے اور متحد ہوکر آگے بڑھے گا۔'

کسان تحریک پر چھڑے گھمسان کے درمیان وزیر داخلہ امت شاہ نے بھی ٹویٹ کیا ہے۔ امت شاہ نے اپنے ٹویٹ میں لکھا کہ 'کوئی بھی پروپیگنڈا ملک کو نہیں توڑ سکتا۔ ہم متحد ہو کر ترقی کی طرف چلیں گے۔ کوئی بھی پروپیگنڈا بھارت کو بلندی حاصل کرنے سے نہیں روک سکتا۔ پروپیگنڈا بھارت کی قسمت کا فیصلہ نہیں کر سکتا۔ بھارت ترقی کے لئے متحدہ ہے۔'

''کوئی پروپیگنڈا بھارت کے اتحاد کو نہیں توڑ سکتا'' ریحانہ کے ٹویٹ پر امت شاہ کا جواب

وزیر داخلہ نے اپنے ٹویٹ میں IndiaAgainstPropaganda اور IndiaTogether کا ہیش ٹیگ کا استعمال کیا۔ ہم آپ کو بتا دیں کہ پاپ سنگر ریحانہ نے FarmersProtest کے ساتھ کسان تحریک سے متعلق ایک خبر شیئر کرتے ہوئے لکھا کہ ہم اس پر توجہ کیوں نہیں دیتے۔ ان کے ٹویٹ کے بعد کسان تحریک پر عالمی سطح کی متعدد بڑی ہستیوں کے درمیان ٹویٹ وار چھڑ گئی ہے۔

اسی درمیان کسان تحریک کے معاملے پر لوگ دو حصوں میں تقسیم نظر آئے جہاں کئی عالمی شخصیات کے علاوہ بڑی تعداد میں لوگ کسانوں کی حمایت میں اترے۔ وہیں کسان تحریک کے حامیوں کے جواب میں IndiaTogether ہیش ٹیگ کے ساتھ ٹویٹ کا سلسلہ شروع کیا گیا اور اب تک اس ٹویٹ کے ساتھ متعدد وزراء اور فلمی ہستیاں ٹویٹ کر چکی ہیں۔

وزیر داخلہ امت شاہ سے قبل کانگریس کے سینئر رہنما راہل گاندھی نے بھی اس معاملے پر ٹویٹ کیا۔ راہل گاندھی نے ریحانہ کو جواب دیتے ہوئے لکھا کہ یہ بھارت کا داخلی معاملہ ہے۔ سرکار کو تینوں زرعی قانون واپس لینا چاہیے۔ کسان پیچھے نہیں ہٹیں گے۔ سرکار کو پیچھے ہٹنا ہوگا۔ فائدہ اسی میں ہے کہ قانون کو واپس لے لیا جائے۔