Nadia Road Accident: وزیر داخلہ امت شاہ اور گورنر جگدیپ دھنکر کی حادثے میں ہلاک ہونے والوں کی تعزیت

وزیر داخلہ امت شاہ اور گورنر جگدیپ دھنکر نے ندیا سڑک حادثے Nadia Road Accident میں ہلاک ہونے والوں کی تعزیت کی اور ان کے اہل خانوں سے ہمدردی کا اظہار کیا۔

مغربی بنگال West Bengal کے ندیا ضلع کے ہاش کھالی علاقے میں ہوئے سڑک حادثے میں ہلاک ہونے والے 18 لوگوں کی موت پر وزیر داخلہ امت شاہ نے غم کا اظہار کیا۔

وزیر داخلہ امت شاہ اور گورنر جگدیپ دھنکر کی حادثے میں ہلاک ہونے والوں کی تعزیت

وزیر داخلہ امت شاہ نے اپنے ٹویٹ میں لکھا ہے کہ 'آج صبح مغربی بنگال میں سڑک حادثے میں 18 لوگوں کی موت کی خبر سن کر مایوس ہوں۔ مرنے والوں کے لئے تعزیت پیش کرتا ہوں'۔انہوں نے اپنے ٹویٹ میں مزید لکھا ہے کہ 'اس دلدوز حادثے میں ہلاک ہونے والوں کے اہل خانہ سے ہمدردی ہے اور ان کے غم میں برابر کے شریک ہیں۔ امید کرتے ہیں کہ حکومت مغربی بنگال اس ضمن میں ٹھوس اور اہم قدم اٹھائے گی'۔دوسری طرف مغربی بنگال کے گورنر جگدیپ دھنکر نے اپنے ٹویٹ میں سڑک حادثے میں ہلاک ہونے والوں کی تعزیت پیش کرتے ہوئے روڈ سیفٹی پر سوال اٹھائے ہیں۔

گورنر جگدیپ دھنکر نے اپنے ٹویٹ میں لکھا کہ 'سڑک حادثے میں 18 لوگوں کی موت کی خبر سن کر صدمہ پہنچا ہے، ان کے اہل خانہ سے ہمدردی کا اظہار کیا اور دعا کی ہے کہ وہ اس غم سے جلد از جلد نکل سکیں'۔

گورنر جگدیپ دھنکر نے کہا کہ 'مغربی بنگال کی حکومت نے روڈ سیفٹی کو یقینی بنانے کی کوشش نہیں کی ہے۔ روڈ سیفٹی کی عدم دلچسپی کے سبب اس طرح کے حادثات پیش آتے ہیں'۔


واضح رہے کہ مغربی بنگال کے ندیا ضلع کے ہاش کھالی علاقے میں ہوئے سڑک حادثے میں 18 لوگوں کی موت ہو گئی ہے۔