وزیراعلی نے اسمبلی میں تیلگو دیشم ارکان کی جانب سے اٹھائے گئے سوالات کا جواب دیتے ہوئے کہا کہ ان کی حکومت پرجیکٹ کو لے کر سنجیدہ ہے اور پرجیکٹ وقت پر مکمل کرلیا جائے گا۔
انھوں نے تیلگو دیشم کے اس الزام کو مسترد کردیا کہ حکومت نے پرجیکٹ کی اونچائی (45.72میٹرز) کو کم کردیا ہے۔ انھوں نے کہا کہ پرجیکٹ کی اونچائی سی ڈبلیو سی پروٹوکال کے مطابق رہے گی اس میں کوئی کمی نہیں ہوگی۔
جگن نے کہا کہ مذکورہ پرجیکٹ سائٹ پر آنجہانی وائی ایس راج شیکھر ریڈی کا 100 فیٹ کا مجسمہ بھی نصب کیا جائے گا۔
اس موقع پر جگن نے کہا کہ سابقہ تیلگو دیشم حکومت میں مذکورہ پرجیکٹ کے کاموں میں بدعنوانی اور بے قاعدگی ہوئی تھی۔ جس کو لیکر وزیراعظم مودی نے کہا کہ پولاورم چندرابابو نائڈو کے لیے، اے ٹی ایم بن گیا ہے۔
انھوں نے کہا کہ ہم نے سابقہ حکومت کی غلطیوں کو سدھارنے کی کوشش کی ہے۔
