مجلس اتحادالمسلمین ٹی ایم سی سے اتحاد کے لیے تیار

بہار کے اسمبلی انتخابات کے اختتام کے بعد سیاسی حلقوں کی جانب سے یہ الزامات لگائے گئے کہ اسدالدین اویسی کا اصل کھیل اقلیتی ووٹوں کو تقسیم کرکے بی جے پی کو فائدہ پہنچانا ہے۔ اب اویسی نے اس کا جواب انتہائی سخت انداز میں دیا ہے۔

اسدالدین اویسی کی آل انڈیا مجلس اتحاد المسلمین (اے آئی ایم آئی ایم) نے حالیہ اختتام پذیر بہار اسمبلی انتخابات میں عظیم اتحاد کے کھیل کو خراب کردیا ہے، بہار اسمبلی انتخابات کے نتائج اعلان کے بعد سیاسی حلقوں یہ بحث جاری ہے کہ اویسی کی پارٹی نے عظیم اتحاد کو نقصان پہنچایا ہے، اور اقلیتی ووٹوں کو تقسیم کیا ہے، جس سے بی جے پی کو فائدہ پہنچایا ہے۔

آئندہ برس مغربی بنگال میں اسمبلی انتخابات ہونے والے ہیں اور اویسی پہلے ہی اعلان کر چکے ہیں کہ ان کی پارٹی بنگال کے انتخابات بھی حصہ لے گی، ایسی صورتحال میں بہت سے لوگوں نے اس خدشے کا اظہار کیا ہے کہ بہار کی طرح بنگال میں بھی مسلم ووٹوں کو تقسیم کرکے اے آئی ایم آئی ایم بی جے پی کو فائدہ پہنچائے گی۔ انہی خدشات اور الزامات کے جواب میں اے آئی ایم آئی ایم کی قیادت نے مغربی بنگال کی وزیر اعلی ممتا بنرجی کو آئندہ انتخابات میں بی جے پی کو روکنے کے لئے ترنمول کانگریس-اے آئی ایم ایم اتحاد کے لیے کھلی دعوت دی ہے۔

ای ٹی ایم بھارت سے ' اے آئی ایم آئی ایم' کے قومی ترجمان اور پارٹی کے بنگال کے نگران عاصم وقار نے کہا کہ ہماری قیادت بی جے پی کا مقابلہ کرنے کے لیے ترنمول کانگریس سے معاہدہ کرنا چاہتی ہے، 2019 کے لوک سبھا انتخابات کے نتائج سے یہ واضح ہے کہ ترنمول کانگریس اس بار بی جے پی سے مقابلہ نہیں کرسکے گی، لہذا ہمارے رہنما اسدالدین اویسی ترنمول کانگریس کے ساتھ اتحاد چاہتے ہیں، اب یہ فیصلہ ممتا بنرجی کو کرنا ہے، اگر وہ اتحاد کے لیے تیار ہے تو پھر ان کا خیرمقدم ہے، ورنہ اے آئی ایم ایم بنگال کے انتخابات اپنے طور پر لڑے گی، ہم مغربی بنگال کی ہر نشست پر امیدوار کھڑے کرنا چاہتے ہیں، جلد ہی ہم نشستوں کی تعداد اور ان حلقوں کے ناموں کا فیصلہ کریں گے جہاں سے ہمارے امیدوار انتخابات میں حصہ لیں گے۔'

تاہم ترنمول کانگریس کے رہنما اس معاملے پر کچھ بھی بولنے کو تیار نہیں ہیں، مغربی بنگال اسمبلی میں ترنمول کانگریس کے چیف وہپ تاپس رے نے ای ٹی وی بھارت سے کہا 'چونکہ یہ اتحاد ایک انتہائی حساس مسئلہ ہے، لہذا صرف وزیر اعلی ہی اس پر کوئی فیصلہ لیں گی، اور وہ واحد شخص ہہیں جو اس تبصرہ کریں گی، مغربی بنگال کے بجلی کے وزیر شوبن دیو چٹوپادھیائے نے بھی ایسی ہی رائے کا اظہار کیا۔

شوبھن دیو نے کہا کہ یہ ایک انتہائی حساس مسئلہ ہے، اس معاملے پر صرف وزیراعلیٰ فیصلہ اور بات کرسکتی ہیں، تاہم انہوں نے کہا کہ مغربی بنگال کے ووٹرز کی نوعیت بہار سے بالکل مختلف ہے، ریاستی حکومت کے حالیہ ترقیاتی منصوبوں سے لوگوں کو مذہب سے قطع نظر بہت فائدہ ہوا ہے، مغربی بنگال کے سیاسی طور پر باشعور ووٹروں نے ہمیشہ سرکار کے ذریعہ کیے گئے کام کی بنیاد پر ووٹ دیا ہے، وہ آئندہ برس بھی ایسا ہی کریں گے، اویسی ہمارے لیے عنصر نہیں ہوگا۔'

آل انڈیا اقلیتی یوتھ فیڈریشن کے جنرل سکریٹری محمد قمرالزماں نے کہا کہ بی جے پی کو روکنے کے لیے تمام جماعتوں کو اکٹھا ہونا چاہیے، اب آپ کو اپنی بے عملی کو بھول جانا چاہیے، تمام سیاسی جماعتیں عوامی طور پر بیان کرتی ہیں کہ بی جے پی ان کی اصل دشمن ہے، تاہم انتخابات سے پہلے کسی بھی سیاسی جماعت نے بی جے پی مخالف اتحاد کو عملی شکل دینے کے لیے اپنے مفاد کی قربانی نہیں دی، اسد الدین اویسی سیاست میں ہیں، لہذا ان سے تمام قربانیوں کی توقع رکھنا ناانصافی ہوگی۔

سیاسی مبصرین کا خیال ہے کہ اگر آخر میں اے آئی ایم ایم اپنے طور پر مقابلہ کرتی ہے تو کانگریس اور بائیں بازو کے اتحاد اور ترنمول کانگریس دونوں کے لیے پریشانی کا سبب ہے۔ اے آئی ایم آئی ایم پہلے ہی بہار سے متصل اتر دیناج پور ضلع کے ساتھ ساتھ اقلیتی اکثریتی مالدہ اور مرشد آباد اضلاع میں بھی اپنی مضبوط موجودگی رکھتا ہے، اس کے علاوہ ایم آئی ایم اردو بولنے والے مسلمانوں کے درمیان کولکاتا اور اس ملحقہ اضلاع ہوڑہ، نارتھ 24 پرگنا اور جنوبی 24 پرگنا، میں بھی اردو بولنے والے مسلمانوں میں اے آئی آئی ایم کا اچھی خاصی موجودگی ہے، لہذا یہ بہت ممکن ہے کہ اے آئی ایم آئی ایم ایک نشست جیتنے کے بغیر بھی کانگریس بائیں بازو اتحاد اور ترنمول کانگریس دونوں کا کھیل خراب کرسکتی ہے۔

مغربی بنگال پردیش کانگریس کمیٹی کے صدر ادھیر رنجن چودھری نے بالواسطہ اعتراف کیا ہے کہ مالدا، مرشد آباد اور شمالی دنناج پور اضلاع میں اے آئی ایم آئی ایم کھیل خراب کرسکتی ہے، جہاں کانگریس کے پاس ابھی بھی سرشار ووٹ بینک موجود ہے۔ یہ حقیقت ہے کہ اے آئی ایم آئی ایم نے مسلم ووٹوں کو تقسیم کرکے بہار کے کچھ حلقوں میں بی جے پی کی فتح کو یقینی بنایا، لہذا ہم سب کو خاص طور پر بنگال میں سیکولر قوتوں کو چوکس رہنے کی ضرورت ہے۔

تاہم کانگریس کے ایک سینئر رہنما نے اپنا نام ظاہر نہ کرنے کی شرط پر کہا کہ بنگال میں اے آئی ایم آئی ایم کا اثر صرف اردو بولنے والے مسلم حلقوں تک ہی محدود ہے۔ ریاست میں کل مسلمان آبادی میں اردو بولنے والی آبادی کا صرف چھ فیصد حصہ ہے۔