مجلس اتحاد المسلمین کے صدر و رکن پارلیمنٹ اسد الدین اویسی نے نیوز ایجنسی اے این آئی سے بات کرتے ہوئے کہا کہ آر ایس ایس کی میگزین میں 1947 میں ذکر کیا گیا تھا کہ قومی جھنڈا بھگوا ہونا چاہیے تو وزیر اعظم نریندر مودی کو اس بارے میں انکشاف کرنا چاہیے۔ وزیر اعظم کہتے ہیں کہ آر ایس ایس ان کا فاونڈیشن ہے تو یہ بات کہاں تک درست ہے؟۔ اویسی نے مزید کہا کہ اسی میگزن میں لکھا ہوا ہے کہ قومی جھنڈے میں تین رنگ برے ہیں تو مودی اور بی جے پی کو بتانا چاہیے کہ یہ صحیح ہے یا غلط۔ Asaduddin Owaisi On Har Ghar Tiranga Campaign
واضح رہے کہ آج کانگریس لیڈر راہل گاندھی اور پرینکا گاندھی سمیت دیگر کانگریس رہنماؤں نے ہر گھر ترنگا مہم پر آر ایس ایس کو گھیرتے ہوئے ٹویٹ کیا کہ آر ایس ایس نے 52 سال تک اپنے ہیڈ کوارٹر پر ترنگا جھنڈا نہیں لگایا ہے۔ راہل گاندھی نے اپنے ٹویٹ میں لکھا کہ ''ہرگھر ترنگا مہم چلانے والے اس غدار تنظیم سے نکلے ہیں جنہوں نے 52 برسوں تک ترنگا نہیں لہرایا۔ آزادی کی لڑائی سے یہ کانگریس پارٹی کو تب بھی نہیں روک پائے اور آج بھی نہیں روک پائیں گے۔
