شیوموگا: کرناٹک میں 6 نومبر کو ہونے والے ٹیچر ایلیبلیٹی ٹیسٹ (TET-2022) کے امیدوار کے ہال ٹکٹ پر بالی ووڈ اداکارہ سنی لیونی کی تصویر چھپی تھی۔ ایڈمٹ کارڈ کا اسکرین شاٹ سوشل میڈیا پر وائرل ہونے کے بعد محکمہ تعلیم نے واقعے کی تحقیقات کا حکم دے دیا ہے۔ رودرپا کالج میں یہ معاملہ اس وقت سامنے آیا، جب ایک امیدوار نے اداکارہ کی تصویر والا اپنا ہال ٹکٹ دکھایا جس کے بعد کالج کے پرنسپل نے سائبر کرائم پولیس میں شکایت درج کرائی۔ پولیس کے مطابق یہ غلطی آن لائن امتحان کے لیے درخواست بھرتے وقت تصویر اپ لوڈ کرنے کے وقت ہوئی ہوگی۔ امیدوار نے کہا کہ اس نے آن لائن درخواست نہیں بھری تھی لیکن دوسرے لوگوں سے کہا تھا کہ وہ اسے بھریں۔ محکمہ تعلیم نے ایک بیان میں کہا کہ امیدواروں کو آن لائن اپلائی کرنا ہوگا، جس کے لیے 'یوزر آئی ڈی اور پاس ورڈ' دیا گیا ہے جو کہ صرف امیدوار کے پاس ہے اور کوئی اور اس کے ساتھ چھیڑ چھاڑ نہیں کر سکتا۔ Actress Sunny Leone photo pasted in hall ticket
مزید پڑھیں:۔ بہار: ایڈمٹ کارڈ میں ساؤتھ اداکارہ کا فوٹو چسپاں
محکمہ نے کہا کہ امتحان کے لیے ہال ٹکٹ بنانے میں اس کا کوئی کردار نہیں ہے کیونکہ یہ صرف امیدوار ہی کرتا ہے۔ پبلک انسٹرکشن ڈیپارٹمنٹ نے اپنی وضاحت میں کہا کہ میڈیا اس معاملے پر جو کچھ بھی دکھاتا ہے، اس میں محکمہ کا کوئی کردار نہیں ہے۔ اس کے باوجود ہم نے پولیس سے معاملے کی تحقیقات کرنے اور واقعے کے ذمہ داروں کے خلاف کارروائی کی درخواست کی ہے۔
