ڈپٹی کمشنر ٹرانسپورٹ نرمل پرساد نے بتایا کہ غیر قانونی بس چلانے اور اوور لوڈ گاڑیوں کے خلاف یکم سے 22 اگست تک کی گئی کا رروائی میں 283بسوں کا ، 1725 ٹرکوں کا نیز 8121 دیگر گاڑیوں کا چالان کیا گیا۔ Illegal Transport in UP
اس طرح 78بسوں، 421 ٹرکوں اور 695 دیگر گاڑیوں کو اس دوران بند کرنے کی کارروئی کی گئی۔ وزیر اعلیٰ اور وزیر ٹرانسپورٹ کی منشا کے مطابق غیر قانونی بسوں اور اوور لوڈ گاڑیوں کے خلاف کاروائی کی جا رہی ہے۔
انہوں نے کہا کہ وزیر اعلیٰ کی ہدایت پر محکمہ ٹرانسپورٹ سختی سے تعمیل کررہا ہے، غیر قانونی گاڑیوں کے خلاف کاروائی آگے بھی جاری رہے گی۔
واضح رہے کہ وزیر اعلی یوگی آدتیہ ناتھ نے ایک ویڈیو بیان میں سخت انتباہ دیا تھا کہ غیر قانونی پارکنگ، بس، ٹرک اور ٹیکسی اسٹینڈ پر سخت کاروائی کی جائے۔ اس سے نہ صرف ٹرافک جام کا سامنا رہتا ہے بلکہ پڑے پیمانے پر رقم وصولی جاتی ہے۔
