ملک میں جان لیوا اور مہلک ترین عالمی وبا کورونا وائرس (کووڈ۔19) کے کیسز میں تشویشناک اضافہ جاری ہے۔ یومیہ کیسز میں گزشتہ ہفتہ سے دس دنوں کے درمیان انتہائی سرعت کے ساتھ یہ اضافہ درج کیا گیا ہے۔ گذشتہ 24 گھنٹوں کے دوران ملک میں تقریباً 47 ہزار نئے کیسز رپورٹ ہوئے ہیں جب کہ دو سو سے زیادہ افراد کی موت واقع ہوئی ہے۔
گذشتہ 24 گھنٹوں کے دوران کورونا وائرس کے 46 ہزار 951 نئے کیسز درج کئے گئے، جبکہ اتوار کے روز یہ تعداد 43 ہزار 846، ہفتے کے روز 40 ہزار 953 اور جمعہ کو 39 ہزار 726 تھی۔ اور یہ تعداد دن بدن بڑھتی ہی جارہی ہے۔
اسی عرصے میں کورونا وائرس سے مرنے والے افراد کی تعداد 212 ریکارڈ کی گئی ہے۔ یہ تعداد اتوار کے روز 197 ،ہفتہ کے روز188 ، جمعہ کے روز 154 ، جمعرات کے روز 172 ، بدھ کے روز 181 ، جب کہ منگل کے روز 131 درج کی گئی تھی۔ اس طرح اس تعداد دن بدن اضافہ ہی ہوتا جارہا ہے۔
دریں اثنا ملک میں اب تک 40 لاکھ 65 ہزار سے زائد افراد کو اینٹی کورونا ویکسین دیئے جاچکے ہیں۔ اس سلسلہ میں حکومتیں کسی بھی طرح کی کوئی کوتاہی برتنے کے لیے تیار نہیں ہیں۔
