Aap Leader Dilip Pandey Reacts On Bjp :'نئی آبکاری پالیسی سے بی جے پی کی کمائی رک گئی ہے'

عام آدمی پارٹی کے سینئر رہنماء دلیپ پانڈے نے بی جے پی پر تنقید کرتے ہوئے کہا کہ بی جے پی احتجاج نہیں غنڈہ گردی کررہی ہے۔ انہوں نے کہا کہ کیا احتجاج کا یہی طریقہ ہے کہ پبلک ٹرانسپورٹ میں توڑ پھوڑ کی جائے اور ایمبولینس کو جانے نہ دیا جائے۔ احتجاج کے دوران بی جے پی کارکنان نےسرکاری بسوں کے شیشے توڑ دیئے۔ Aap Leader Dilip Pandey React On Bjp

قومی دارالحکومت دہلی میں کیجریوال کی نئی آبکاری پالیسی کے خلاف احتجاج کر رہے بی جے پی کارکنان پر عام آدمی پارٹی نے سخت حملہ بولا ہے۔

پارٹی ہیڈ کوارٹر پر پریس کانفرنس کے دوران عام آدمی پارٹی کے سینئر رہنماء دلیپ پانڈے نے بی جے پی پر تنقید کرتے ہوئے کہا کہ بی جے پی احتجاج نہیں غنڈہ گردی کررہی ہے۔ انہوں نے کہا کہ کیا احتجاج کا یہی طریقہ ہے کہ پبلک ٹرانسپورٹ میں توڑ پھوڑ کی جائے اور ایمبولینس کو جانے نہ دیا جائے۔ احتجاج کے دوران بی جے پی کارکنان نے سرکاری بسوں کے شیشے توڑ دیے۔

انہوں نے کہا کہ بی جے پی بوکھلا گئی ہے، اس لیے کہ دہلی حکومت کی نئی آبکاری پالیسی کی وجہ سے ان کی 3500 کروڑ روپے کی دلالی رک گئی ہے۔

انہوں نے مزید کہا کہ نئی آبکاری پالیسی سے دلالوں پر روک لگی ہے اور جو بی جے پی کے لوگ اس میں ملوث تھے انہیں پریشانی ہورہی ہے۔

واضح رہے کہ بی جے پی نے پورے دہلی میں کیجریوال حکومت کی آبکاری پالیسی کے خلاف احتجاج کرکے سڑک جام کر دیا اور آبکاری پالیسی کو واپس لینے کا مطالبہ کیا ہے۔