عام آدمی پارٹی نے کرنال لاٹھی چارج کے خلاف مظاہرہ کیا

عام آدمی پارٹی (عآپ) نے ہریانہ کے کرنال میں کسانوں پر پولیس لاٹھی چارج کے خلاف ہفتہ کو احتجاج کیا۔

یہ مظاہرہ بھٹنڈا کے فائر بریگیڈ چوک پر ہوا جس میں ہریانہ کی منوہر لال کھٹر حکومت اور مرکز میں نریندر مودی حکومت کے خلاف نعرے لگائے گئے اور حکومتوں کے پتلے جلائے گئے۔

اس موقع پر پارٹی لیڈروں نودیپ سنگھ جیڈا، انیل ٹھاکر، راکیش پوری وغیرہ نے مطالبہ کیا کہ کسانوں پر لاٹھی چارج کا حکم دینے والے افسران کو نوکری سے برخاست کیا جائے اور ان کے خلاف قتل کا مقدمہ درج کیا جائے۔

عآپ رہنماؤں نے یہ بھی مطالبہ کیا کہ منوہر لال کھٹر کسانوں سے عوامی طور پر معافی مانگیں۔

یواین آئی