اتراکھنڈ کی عوام ساتھ دے تو یہاں کی صورتحال بدل سکتی ہے: کجریوال

دہلی کے وزیراعلی اروند کیجریوال نے کہا کہ جب عام آدمی پارٹی دہلی حکومت میں بے روزگاروں کو مفت روزگار اور بجلی فراہم کرا سکتی ہے تو پھر اتراکھنڈ میں تعلیم، صحت اور روزگار کے معاملے میں تبدیلی کیوں نہیں لائی جاسکتی۔

ریاست اتراکھنڈ کے ہلدوانی میں عام آدمی پارٹی نے اروند کیجریوال کی قیادت میں آج 'ترنگا سنکلپ' یاترا نکالی، جس میں دہلی کے وزیراعلیٰ اروند کیجریوال کے ساتھ کرنل اجے کوٹھیال، دیپک بالی سمیت کئی رہنماء موجود تھے۔

عآپ پارٹی کا ترنگا مارچ ہلدوانی کے منگل پڑوا سے رام لیلا میدان تک نکالا گیا، جس میں ہزاروں پارٹی کارکنان اور لوگوں نے شرکت کی، ہجوم کے پیش نظر اروند کیجریوال کو رام لیلا گراؤنڈ کے بجائے سڑک پر لوگوں سے خطاب کرنا پڑا۔

اس دوران اروند کیجریوال نے کہا کہ اگر 2022 میں اتراکھنڈ کے عوام ساتھ دیں گے تو ریاست کی تصویر بدلی جائے گی۔

انہوں نے کہا کہ جب عام آدمی پارٹی دہلی حکومت میں بے روزگاروں کو مفت روزگار اور بجلی فراہم کرا سکتی ہے تو پھر اتراکھنڈ میں تعلیم، صحت اور روزگار کے معاملے میں تبدیلی کیوں نہیں لائی جاسکتی۔ کیجریوال نے کہا کہ مجھے امید ہے کہ ریاست کے عوام عام آدمی پارٹی کو ضرور موقع دیں گے۔