کیرالہ میں قرآن پاک کا ایک نایاب نسخہ موجود ہے، جو ماچس کی ڈبیہ سے بھی چھوٹا ہے۔ مذکورہ نسخے کو حال ہی میں نیلامی کے لیے پیش کرنے کی تیاری کی جارہی ہے۔ قرآن پاک کا یہ نادر ونایاب اور غیر معمولی نسخہ راشد علی تھونیکارا کا ہے، جو کیرالہ کے ضلع ملاپورم کی تحصیل پیرینتھلمنہ کے ترورکاڈ کے رہائشی ہیں۔
ترورکاڈ مسجد الرحمٰن کے قبرستان کی توسیع کی فنڈنگ کے لیے اس نسخے کی نیلامی کی جارہی ہے۔ قرآن کریم کا یہ نادر نسخہ متحدہ عرب امارت نے سنہ 2017 میں 35ویں شارجہ انٹرنیشنل بک فیئر کے موقع پر جاری کیا تھا، جہاں انہوں نے اس کی صرف 100 کاپیاں جاری کیں۔ اس وقت راشد علی قرآن کریم کا نادر نسخہ ہدیہ کرنے کے قابل تھے۔ اس قرآن کو بغیر میگنیفائن گلاس کے پڑھنا بہت مشکل ہے۔
- یہ بھی پڑھیں:نابینا افراد کے لیے ڈیجیٹل قرآن جلد متعارف
- عربی اور فارسی میں تحریر رامائن و بھگوت گیتا سمیت دیگر کتابیں
اس نادر قرآن کریم کی نیلامی اگلے ہفتے شروع ہوگی۔ راشد علی کے پاس قرآن شریف کا ایسا ہی ایک اور نسخہ بھی ہے۔
