کانپور: کووڈ نائنٹین کے چلتے دو سال تک کانپور میں حسینی فیڈریشن کی جانب سے ہونے والا یوم حسین کا پروگرام ملتوی رہا۔ کانپور کے رگبی گراؤنڈ پریڈ پر یوم حسین کے پروگرام میں بڑی تعداد میں لوگوں نے شرکت کی۔ ملک بھر سے اکٹھا ہوئے شعرائے کرام نے امام حسین علیہ السلام کی شان میں قصیدے پڑھے، ان کی عظمت میں اشعار کہے۔ علمائے کرام نے حضرت امام حسین علیہ السلام کی قربانی کو یاد کرتے ہوئے یہ پیغام دیا کہ دنیا میں اگر امن قائم ہو سکتا ہے تو وہ حق پر چلنے سے ہی قائم ہوسکتا ہے۔ حق ہمیشہ زندہ اور قائم رہتا ہے جس کے لیے حضرت امام حسین علیہ السلام نے عظیم قربانی دے کر رہتی دنیا تک کے لیے حق کو زندہ کیا۔ A Message of National unity on the Occasion of Hussain Day in Kanpur
یہ بھی پڑھیں:
حسینی فیڈریشن ہرسال یوم حسین کے پروگرام کا انعقاد کرتی ہے۔ اس پروگرام میں اپنی سال بھر کی کارکردگی پر مشتمل ایک سووینئر کا رسم اجرا کرتی ہے۔ شیعہ کمیونٹی سے تعلیم کے میدان میں اچھا مقام پانے والے بچوں کو اعزاز و اکرام سے نوازتی ہے اور ہر سال دو لوگوں کو قرعہ اندازی کے ذریعے منتخب کرکے اپنے خرچے پر کربلا کی زیارت کراتی ہے۔
