بنیامین احمد نے 'جیونیوز' سے گفتگو میں بتایا کہ 'اسکول کی چھٹیوں کے دوران انہوں نے اتنی خطیر رقم 'ویئرڈ وہیل' (weird wheel) نامی ڈیجیٹل تصاویر پر مشتمل ویب سیریز کی تیاری اور بلاک چین اونر شپ اسٹور پر ٹوکن کی فروخت سے حاصل کی ہے۔
بنیامین احمد کے مطابق انہوں نے ویب سیریز، کوڈنگ کے ذریعے 5 ہفتوں میں تیار کی اور پھر اسے فروخت کے لیے پیش کردیا، جس کے بعد ان کا آرٹ ورک سوشل میڈیا پر وائرل ہوگیا۔ ہونہار بچے نے 'جیو نیوز' کو بتایا کہ 'بینک اکاؤنٹ کے بغیر، اتنی زیادہ رقم بنانے والے دنیا کے کم عمر پروگرامر بننے پر نہایت پرجوش ہیں، جب کہ ان کے والد بھی سافٹ ویئر ڈیولپمینٹ انجینیئر ہیں۔
مزید پڑھیں: ملک کی پہلی خاتون زیر زمین کان کنی انجینیئر آکانکشا کُماری
بنیامین احمد کے مطابق ویب سیریز کی تیاری سے پہلے تک ان کے ٹوئٹر پر چند ایک فالوورز تھے، لیکن اب خوش قسمتی سے ان کے ٹوئٹر پر 12 لاکھ فالوورز ہیں اور ان کی خبریں 'بی بی سی' اور 'نیویارک' سے لیکر 'جیو نیوز' تک سب نے چلائی ہیں۔
یو این آئی
