بنگلورو: ریاست کرناٹک کے دارالحکومت بنگلورو میں لوگوں نے حکومت سے مساجد اور منادر میں لاوڈ اسپیکر کے استعمال کی اجازت طلب کی ہے، اس سلسلے میں تقریباً 959 درخواستیں پولیس کو موصول ہوئی ہیں جس میں مساجد اور مندروں میں لاؤڈ اسپیکر استعمال کرنے کی اجازت مانگی گئی ہے۔ ان میں سے 121 درخواست گزاروں نے قانون کے تحت اجازت حاصل کی۔ سٹی پولیس کمشنر پرتاپ ریڈی نے کہا کہ بقیہ درخواستوں کا جائزہ لے کر اس مسئلہ کو حل کیا جائے گا۔ Permission For the use of Loudspeakers in Mosques
دریں اثناء عید گاہ گراؤنڈ میں جلسے کی درخواست کا جواب دیتے ہوئے کہا کہ ابھی تک کسی نے اجازت کے لیے درخواست نہیں دی ہے۔ انہوں نے کہا کہ وہ قانون کے مطابق ایسا کرنے کے لیے جو کچھ بھی کریں گے وہ کریں گے۔
واضح رہے کہ گزشتہ روز مساجد میں لاؤڈ اسپیکر Loudspeakers in mosques کے استعمال کے خلاف ہائی کورٹ میں ایک عرضی داخل کی گئی تھی جس میں یہ دعویٰ کیا گیا تھا کہ مساجد میں روزانہ مائیک اور لاوڈ اسپیکر کا استعمال کیا جاتا ہے جس کی وجہ سے صوتی آلودگی میں اضافہ ہوتا ہے اور لوگوں کو پریشانی ہوتی ہے۔ عدالت نے کیس کی سماعت کرتے ہوئے مخصوص ایام کے علاوہ عام دنوں میں لاوڈ اسپیکر استعمال نہ کرنے کا حکم دیا، جس کے بعد پولیس کی جانب سے مستعدی دکھاتے ہوئے مساجد سے لاوڈ اسپیکر ہٹائے گئے۔ Loudspeaker Removed from Mosque
