تلگو دیشم رہنما چندرا بابو نائیڈو نے امراؤتی میں پارٹی ہیڈ کوارٹر میں احتجاج کرتے ہوئے، کووڈ متاثرین کی حمایت کا مطالبہ کیا۔ این ٹی آر کے مجسمے کو خراج عقیدت پیش کرنے کے بعد چندرا بابو نے احتجاج شروع کیا۔
تیلگو دیشم نے مطالبہ کیا ہے کہ جب تک کورونا کی شدت برقرار رہے گی ہر وائٹ راشن کارڈ فیملی کو 10،000 روپے اور ماہانہ 7،500 روپے کی فوری مالی مدد کی جائے۔ ریاستی حکومت نے کورونا کے متاثرہ افراد کے لواحقین کو 10 لاکھ روپے اور جو آکسیجن نہیں ملنے سے ہلاک ہوئے انھیں 25 لاکھ روپئے ادا کرنے کا مطالبہ کیا۔ انھوں نے کہا کہ آکسیجن کی تمام اموات کے لئے حکومت ذمہ دار ہے۔
انہوں نے حکومت سے مطالبہ کیا کہ کاشتکاروں کی امداد کے لئے زرعی پیداوار خریدیں اور زیر التوا واجبات کی ادائیگی فوری طور پر کریں۔ کورونا ڈیوٹی میں مرنے والے فرنٹ لائن وارئیرز کے اہل خانہ کو 50 لاکھ روپے فراہم کریں۔ صحافیوں کی شناخت کورونا جنگجو کے طور پر کرنے اور انھیں انشورنس کوریج فراہم کرنے کا مطالبہ کیا۔
چندرا بابو نے مرکزی اور ریاستی حکومتوں پر زور دیا کہ وہ ویکسینیشن کے عمل کو تیز کرنے اور تمام لوگوں کو مفت ویکسین فراہم کرنے کے لئے اقدامات کریں۔
یہ بھی پڑھیں:'پی وی نرسمہا راؤ کے دورِ حکومت میں 2800 مسلم نوجوانوں کو گولی مارکر ہلاک کردیا گیا'
