تمل ناڈو کے ویرودھن نگر علاقے میں ایک پٹاخہ فیکٹری میں آتشزدگی کی اطلاع ہے۔ آگ کی لپیٹ میں آنے سے ایک خاتون سمیت اب تک 16 افراد کے ہلاکت ہونے کی اطلاع موصول ہوئی ہے۔ جبکہ 34 افراد کے زخمی ہونے کی اطلاع ہے، جنہیں علاج کے لیے ہسپتال میں داخل کیا گیا ہے۔ موقع واردات پر متعدد فائر برگیڈ کی گاڑیاں آگ پر قابوپانے کے لیے موجود ہیں۔
وزیر اعظم مودی نے بھی اس واقعے پر غم کا اظہار کیا ہے۔ وزیر اعظم نے کہا ہے کہ "تمل ناڈو کے ویرودھن نگر میں واقع پٹاخے فیکٹری میں آتشزدی کا واقعہ افسوسناک ہے۔ غم کی اس گھڑی میں مہلکیں کے اہل خانہ سے تعزیت۔ مجھے امید ہے کہ زخمی افراد جلد صحت یاب ہوجائیں گے۔ انتظامیہ اس واقعے سے متاثرہ لوگوں کی مدد کے لیے کوشاں ہے۔
وزیر اعظم مودی نے ٹویٹر پر یہ بھی بتایا کہ اس واقعے میں ہلاک ہونے والے افراد کے لواحقین کو وزیر اعظم ریلیف فنڈ سے 2 لاکھ اور شدید زخمیوں کو 50،000 روپے دیے جائیں گے۔
