جان لیوا اور مہلک ترین عالمی وبا کورونا وائرس (کووڈ-19) سے بری طرح متاثر امریکہ میں گذشتہ 24 گھنٹوں کے دوران کورونا وائرس کے ریکارڈ 1.28 لاکھ سے زیادہ نئے کیسز رپورٹ ہوئے ہیں جس سے متاثرین کی تعداد 97 لاکھ سے تجاوز کرگئی ہے۔
اطلاع کے مطابق مسلسل تیسرے دن امریکہ میں کورونا وائرس کے ایک لاکھ سے زیادہ نئے کیسز کی اطلاع ملی ہے۔
جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کورونا سے اموات کی تعداد 236064 ہوگئی ہے،جبکہ متاثرہ افراد کی تعداد 97 لاکھ سے تجاوز کر کے 9733359 ہوگئی ہے۔
امریکہ کی ریاستیں نیو یارک، نیو جرسی اور کیلیفورنیا کورونا سے سب سے زیادہ متاثر ہیں۔
صرف نیو یارک میں ہی کورونا وائرس سے 33664 اموات ہوئیں، جبکہ نیو جرسی میں اب تک 16416، کیلیفورنیا میں 17931 اور ٹیکساس میں 19046 افراد اپنی زندگیوں سے ہاتھ دھو بیٹھے ہیں۔
وہیں فلوریڈا میں کووڈ-19 سے متاثرہ 17014 مریضوں نے جانیں گنوائی ہیں۔
اس کے علاوہ میساچوسیٹس اور الینوائے میں 10 ہزار جبکہ پینسلوینیا میں کورونا سے آٹھ ہزار سے زیادہ افراد ہلاک ہوچکے ہیں۔