شمالی 24 پرگنہ: مغربی بنگال کے شمالی 24 پرگنہ کے بیرکپور میں واقع بی این باسو ہسپتال کی موجودہ صورتحال اور سہولیات کے فقدان کو لے کر اکثر و بیشتر شکایت سننے کو ملتی تھیں۔ بیرکپور اور اس کے اطراف کے ساتھ ساتھ دوسرے اضلاع کے رہنے والے مریض علاج کرانے کے لیے بی این باسو ہسپتال میں آتے تھے لیکن ہسپتال انتظامیہ پر مریضوں کو دوسرے ہسپتالوں میں منتقل کرنے کا بھی الزام ہے۔
ریاستی چیف ہیلتھ سیکرٹری نارائن سروپ نگیم نے کہا کہ بی این باسو ہسپتال کے دورے کے دوران اعلیٰ عہدیداروں سے موجودہ صورتحال سے متعلق تبادلہ خیال کیا گیا۔ انہوں نے کہا کہ ہسپتال کو اپ گریڈ بنانے کی کوشش کی جا رہی ہے تاکہ مریضوں کو دوسرے ہسپتالوں کے لیے منتقل نہ کرنا پڑے۔ جو مریض آئیں، ان کا یہیں پر علاج کیا جا سکے۔
دوسری طرف راج چکرورتی نے کہا کہ بی این باسو ہسپتال بیرکپور سب ڈویژن کا سب سے بڑا ہسپتال ہے۔ یہاں روزانہ سینکڑوں لوگوں علاج کے لیے آتے ہیں۔ سہولیات کے فقدان کے سبب انہیں دوسرے ہسپتالوں میں بھیج دیا جاتا ہے، لیکن اب یہاں ایسا نہیں ہوگا۔ انہوں نے کہا کہ ایم آر بھانگوڑ میڈیکل انسٹی ٹیوٹ کے سپرنٹنڈنٹ کو یہاں لایا جا رہا ہے۔ سہولیات کو اپ گریڈ کیا جا رہا ہے۔ دس سے پندرہ دنوں کے اندر اندر تمام منصوبوں پر عملدرآمد کیا جائے گا۔
یہ بھی پڑھیں: Duare Sarkar Boycott: ضلع بانکوڑہ میں دوارے سرکار کیمپ کا بائیکاٹ
