ریاست اتر پردیش کے بارہ بنکی میں بھی وزیراعظم کے امتحانات پر چرچا پرکشا پہ چرچا پروگرام میں خاصہ جوش نظر آیا. طلباء نے وزیراعظم کے اس قدم کی ستائش کی اور کہا کہ اس پروگرام سے امتحانات کے وقت پیدا ہونے والا دباؤ ہلکا ہوتا ہے. جس سے نتیجے بہتر ہوں گے. طلبہ چاہتے ہیں ان کے علاوہ ان کے والدین کو بھی اس پروگرام کو سننا چاہیے. واضح رہے کہ وزیراعظم نریندر مودی گزشتہ پانچ برسوں سے امتحانات پر چرچہ پرکشا پہ چرچا پروگرام نام سے پروگرام کرتے ہیں. Positive Response On Pariksha Pe Charcha
امتحانات سے قبل ہونے والے اس پروگرام میں وہ طلباء کے سوالات کا جواب دیتے ہیں اور ان کی رہنمائی کرتے ہیں. طلباء اور اساتذہ وزیراعظم کے اس قدم کو بہتر قرار دیتے ہیں. بارہ بنکی سینٹرل اسکول کے پرنسپل ایس این پانڈے بتاتے ہیں کہ طلباء میں اس پروگرام کے مثبت اثرات نظر آ رہے ہیں. انہوں نے بتایا کہ یہ پروگرام اب ایک عوامی تحریک بن چکا ہے. پہلے اس سے کچھ ہزار طلباء ہی منسلک ہوتے تھے، لیکن اب لاکھوں کی تعداد میں طلباء اس سے منسلک ہو رہے ہیں. انہوں کہا کہ دو برس بعد یہ پروگرام آف لائن ہو رہا اس سے آئندہ امتحانات میں ان کا نتیجہ بہتر رہے گا. Positive Response On Pariksha Pe Charcha
