ادھمپور: جموں و کشمیر کے ضلع اُدھم پور میں چنانی قومی شاہراہ پر دلخراش حادثہ پیش آیا جس میں 4 افراد کی موت ہوگئی ہے۔ جموں۔سرینگر قومی شاہراہ پر ادھم پور ضلع کے چنینی کے قریب آج صبح سڑک حادثہ پیش آیا جس میں کار میں سوار ایک ہی خاندان کے 4 افراد کی موت ہو گئی۔ بتایا جا رہا ہے کہ کنبہ کے افراد رامبن ضلع کے سنگلدان سے جموں کی طرف جارہے تھے، جب یہ چنینی میں پریم مندر کے قریب پہنچے تو ان کی کار کا توازن بگڑ گیا اور وہ گہری کھائی میں گر گئی۔
حادثے کے بعد پولیس اور مقامی لوگ موقع پر پہنچے اور تمام لوگوں کو چنینی سب ڈسٹرکٹ ہسپتال میں داخل کرایا۔ جہاں 2 افراد کو ہسپتال لے جایا گیا جہاں دو کو مردہ قرار دیا گیا جبکہ دیگر دو کی سنگین حالت کو دیکھتے ہوئے انہیں ضلع ہسپتال ریفر کیا گیا ان زخمیوں نے راستے میں ہی دم توڑ دیا۔ اس معاملے میں ساتھ ہی پولیس نے مقدمہ درج کرکے تحقیقات شروع کردی ہے۔
