پولیس نے جمعہ کےروز بتایا کہ ایک نوعمر لڑکی جو پانچ دن قبل یہاں ایک پب میں دن کی پارٹی کے لیے گئی تھی، اس کے ساتھ پانچ افراد نے مبینہ طور پر اجتماعی جنسی زیادتی کی جن میں تین نابالغ بھی شامل تھے۔انہوں نے بتایا کہ 17 سالہ لڑکی کے والد نے 31 مئی کو پولیس میں شکایت درج کرائی کہ شاید اس کے ساتھ چھیڑ چھاڑ کی گئی ہے لیکن وہ یہ نہیں بتا سکتی کہ کیا ہوا کیونکہ وہ صدمے کی حالت میں تھی۔ اس مقدمے میں جمعہ کے روز ایک ملزم کو گرفتار کیا گیا تھا جبکہ ہفتے کے روز ما باقی چار ملزمین کو بھی گرفتار کرلیا گیا۔ Hyderabad Gang Rape Case
جمعہ کی رات ایک پریس کانفرنس سے خطاب کرتے ہوئے، ڈپٹی کمشنر آف پولیس جوئل ڈیوس نے کہا کہ لڑکی کے والد کی شکایت کے بعد لڑکی کے ساتھ جنسی زیادتی اور پوکسو ایکٹ کی متعلقہ دفعات کے تحت مقدمہ درج کیا گیا ہے۔لڑکی کو سٹی پولیس کے خواتین اور بچوں کے 'بھروسہ' سپورٹ سینٹر بھیج دیا گیا کیونکہ وہ نابالغ ہے۔ڈیوس نے کہا کہ سینٹر کی خواتین اہلکاروں نے اسے تسلی دی اور بیان ریکارڈ کرایا گیا۔
لڑکی کے بیان کی بنیاد پر، آئی پی سی سیکشن 376 ڈی (گینگ ریپ) اور پوکسو ایکٹ کی دیگر متعلقہ سیکشنز کو لاگو کرکے کیس کو تبدیل کیا گیا، اہلکار نے کہا، انہوں نے مزید کہا کہ وہ ملزم کی شناخت نہیں کرسکی کیونکہ وہ ان سے واقف نہیں تھی۔
انہوں نے کہا کہ تفتیشی ٹیموں نے سی سی ٹی وی فوٹیج اور دیگر شواہد اکٹھے کیے ہیں اور ان کا تجزیہ کیا ہے، اور پانچ افراد کی شناخت کی ہے۔پولیس اہلکار نے بتایا کہ جمعہ کے روز ایک 18 سالہ ملزم کو گرفتار کیا گیا۔ڈیوس نے کہا کہ پرائما فیسی، پولیس کے پاس تین نابالغوں اور ایک اور 18 سالہ شخص کے خلاف ثبوت ہیں۔انہوں نے کہا تھا کہ پولیس ٹیمیں دیگر ملزمان کو پکڑنے کے لیے کام کر رہی ہیں، اور انہیں 48 گھنٹوں کے اندر گرفتار کر لیا جائے گا۔
