تلنگانہ میں بارش کا سلسلہ جاری

ریاست تلنگانہ کے مختلف علاقوں میں پچھلے 3 روز سے بارش کا سلسلہ جاری ہے۔

وہیں شہر حیدرآباد اور اس کے مضافاتی علاقوں میں بھی جمعہ سے بارش کا سلسلہ جاری ہے۔
محکمہ موسمیحات نے مزید 2 روز تک بارش کا سلسلہ جاری رہنے کا امکان ظاہر کیا گیا ہے۔ آئندہ 2 دنوں کے دوران مزید بارش ہوسکتی ہے۔

ریاست بھر میں کہیں ہلکی تو کہیں تیز بارش کی وجہ سے آبی ذخائر میں پانی کی سطح میں اضافہ ہو رہا ہے۔گوداوری ندی کے پانی کی سطح میں اضافہ ہوا جبکہ دریائے کرشنا میں بھی پانی کا بہاؤ بڑھ گیا ہے۔حیدرآباد کے آبی ذحائر میں بھی مسلسل بارش کی وجہ سے اضافہ ہوا ہے۔شمالی اڈیشہ اور جھارکھنڈ میں ہوا کے دباؤ میں کمی کی وجہ سے تلنگانہ میں مزید بارش کا امکان ظاہر کیا جارہا ہے۔تلنگانہ میں کچھ دنوں سے جنوب مغربی مانسون سرگرم ہے۔ریاست کے کسانوں نے بارش پر خوشی کا اظہار کیا ہے۔