کشمیر کے نوجوان اور مقبول سائیکلسٹ عادل تيلی کا کہنا ہے کہ 'آج کل آپ دیکھ رہے ہوں گے کی جھیل ڈل کے کنارے نوجوان سائیکلنگ کرتے نظر آتے ہیں'۔ انہوں نے کہا کہ 'سائیکلنگ سے نہ صرف آپ کی صحت ٹھیک رہتی ہے، بلکہ ماحول بھی آلودگی سے پاک رہتا ہے۔' اُن کا مزید کہنا تھا کہ 'بازاروں میں مختلف قسم کے سائیکل دستیاب ہیں، اس لیے شوقین افراد کو سوچ سمجھ کر سائیکل کا انتخاب کرنا چاہیے'۔
انہوں نے کہا کہ 'یہاں کے لیے فیٹ سائیکل ٹھیک نہیں، کیوں کہ وہ ریت کے لیے تیار کی گئی ہے۔ یہاں کے لیے ماؤنٹین یا ہائبرڈ سائیکل ہی ٹھیک ہے'۔ انہوں نے کہا کہ ' لوگوں کو چاہیے کی وہ سائیکل کا زیادہ سے زیادہ استعمال کریں۔عادل جو حال ہی میں سرینگر سے کنیا کماری تک کا سفر سائیکل سے طے کر کے ریکارڈ اپنے نام کرچکے ہیں۔ ان کا کہنا ہے کہ 'اس سفر کے دوران اُن کو کافی مشکلات پیش آئیں، تاہم اپنے والدین کی اُمیدوں کو پورا کرنے کی خواہش سے اُن کا حوصلہ برقرار رہا'۔
عالمی وبا کے پیش نظر سائیکلنگ کے فائدے بیان کرتے ہوئے اُن ہونے کہا کہ 'ان صورتِحال میں سائیکلنگ سب سے مفید ہے۔ اس سے آپ کی امیونٹی بڑھتی ہے اور تندرستی بھی برقرار رہتی ہے'۔ اپنے گھروں میں رہیں اور سائیکلنگ کے تمام رہنما خطوط پر عمل کرتے ہوئے سائیکلنگ کریں'۔
