Youth Assaulted In Srinagar سرینگر میں دو نوجوانوں پر حملہ کرنے کے الزام میں تین افراد گرفتار

سرینگر پولیس نے عیدگاہ علاقے میں دو لڑکوں پر حملے کرکے انہیں زخمی کرنے کے الزام میں تین افراد کر گرفتار کیا ہے۔ پولیس نے مذکوہ افراد کے خلاف پولیس اسٹیشن صفا کدل میں ایک کیس بھی درج کیا ہے۔

سرینگر: پولیس نے سرینگر کے عیدگاہ علاقے میں دو لڑکوں پر حملے کرکے انہیں زخمی کرنے کے الزام میں تین افراد کر گرفتار کیا ہے۔سرینگر پولیس نے اپنے ایک ٹویٹ میں جانکاری فراہم کرتے ہوئے کہا کہ 'عید گاہ پارک میں کچھ لوگوں نے دو لڑکوں کو بری طرح پیٹ کر زخمی کر دیا'۔ انہوں نے ٹویٹ میں کہا کہ اس سلسلے میں تین افراد کو گرفتار کیا گیا۔ گرفتار شدگان کی شناخت احرار صدیق نجار، عاطف ظفر وانی اور حسیب احمد میر ساکنان وانگن پورہ کے بطور کی گئی ہے۔

Three Held For Assaulting Two Youth In kashmir

پولیس نے ٹویٹ میں کہا کہ اس ضمن میں پولیس اسٹیشن صفا کدل میں ایک کیس درج کیا گیا اور جرم کے لئے استعمال کیا جانے والا ہتھیار بھی بر آمد کیا گیا۔ بتادیں کہ سرینگر پولیس نے گزشتہ دن غنڈہ گردی کرتے ہوئے پائے جانے والی نابالغوں کو کونسلک کے بعد رہا کر دیا۔ تفصیلات کے مطابق سرینگر پولیس نے تھار جیپ میں سوار نابالغوں کو سرینگر کے فوریشور روڈ پر اس وقت پکڑ لیا جب وہ غنڈہ گردی کر رہے تھے۔پولیس نے نابالغوں کی اہل خانہ کے ساتھ مشاورت کی اور بعد میں بالغوں کو مجسٹریٹ کے سامنے پیش کیا گیا۔

قابل ذکر ہے کہ ہراسانی کے واقعات کو روکنے کے لئے، اور طالبات کو تحفظ فراہم کرنے کی غرض سے گزشتہ برس جموں و کشمیر پولیس نے سرینگر میں ایک خصوصی ویمن پولیس ٹیم (اسکواڈ) تشکیل دی ہے جسے تعلیمی اداروں خاص کر کالجوں کے باہر تعینات کیا گیا ہے تاکہ اس طرح واقعات رونما نہ ہوں، اور اگر اس طرح کے واقعات پیش آئے تو ان سے بر وقت نپٹ جا سکے۔