سرینگر: وزارت داخلہ کے مطابق پانچ درجاتی حفاظتی احاطہ کے درمیان امسال 30 جون سے شروع ہونے والی سالانہ امرناتھ یاترا کے پرامن انعقاد کے لیے سیکورٹی فورسز کی کم از کم 300 اضافی کمپنیاں تعینات کی جائیں Security For Amarnath Yatra 2022 گی۔ سکیورٹی کے اعلیٰ افسر کے مطابق سالانہ امرتھ یاترا کے لیے جگہ جگہ پر سکیورٹی عملے تعینات کیے جائیں گے، وہیں یاتریوں کو نئے حفاظتی اقدام کے تحت مائیکرو چپس کے ساتھ کلائی والے بینڈ فراہم کیے جائیں گے۔Micro Chips in Amarnath Yatra 2022
وزارات داخلہ کے مطابق امسال امرناتھ یاترا کے لیے سکیورٹی فورسز کی 300 کمپنیاں تعینات کی جائیں گی، تاکہ یاترا پرامں طریقے سے منعقد کی جائے۔ ایم ایچ اے کے مطابق ان کمپنیوں میں زیادہ تر سی آر پی ایف کی تعنیاتی ہو گئی ہے، وہیں ایس ایس بی، آئی ٹی بی پی۔ سی آئی ایس ایف کی کمپنیوں کو بھی یاترا کی ڈیوٹی دے گئی ہے۔ ایک کمپنی 100 سے 150 سکیورٹی کے اہلکاروں پر مشتمل ہوتی ہے اور اس کی کمان ایک کمانڈنگ افسر کرتا ہے۔
سکیورٹی فورسز کے مطابق بنیادی توجہ شاہراہوں پر رہے گی، جن میں سرینگر جموں اور سرینگر گاندربل شاہراہ شامل ہیں کیونکہ ان دونوں شاہراوں سے یاتروں کو لے جانے والی گاڑیوں کی روانگی ہوتی ہے۔
وزارت داخلہ کے مطابق امسال یاتریوں کی گاڑیوں میں RIFD چپس لگائی جائیں گی جو متعلقہ کنٹرول رومز سے منسلک ریڈار کے نیچے رہیں گی۔ زائرین کو لے جانے والی کسی بھی گاڑی کو کٹ آف ٹائمنگ کے بعد کسی خاص مقام سے گزرنے کی اجازت نہیں ہوگی۔رجسٹریشن کاؤنٹر پر ہر عقیدت مند کو مختلف مقامات پر نصب سیٹلائٹ ٹاورز سے منسلک ایک مائیکرو چپ کے ساتھ کلائی پر پٹی فراہم کی جائے گی۔ سیٹلائٹ، جی پی آر ایس، مائیکرو چپس اور آر ایف آئی ڈی چپس کی مدد سے دونوں کی نقل و حرکت، عقیدت مندوں کے ساتھ ساتھ ان کو لے جانے والی گاڑیاں، متعلقہ کنٹرول رومز میں مسلسل نگرانی میں رہیں گی۔"
مزید پڑھیں:
- Amarnath Yatra 2022: امرناتھ یاترا کے پیش نظر اعلیٰ حکام کا سرینگر دورہ
- Amarnath Yatra-2022: امسال 8 لاکھ یاتری امرناتھ درشن کے لیے آرہے ہیں، مرکزی سیکرٹری اطلاعات
پانچ درجاتی سیکورٹی پلان کی وضاحت کرتے ہوئے ایم ایچ نے کہا کہ تعیناتی ہائی ویز، اضلاع کے حساس علاقوں، کوئیک ری ایکشن ٹیمیں (پولیس اور سی آر پی ایف)، موبائل وہیکل چیک پوسٹس (MVCPs) اور تکنیکی نگرانی پر برقرار رہے گی۔یاتروں کی حفاظتی کے لیے بیس کیمپوں اور حساس مقامات پر 200 سی سی ٹی وی گاڑیاں نصب کی گئی ہیں جن کی سیکورٹی ایجنسیوں نے نشاندہی کی ہے۔
