جموں و کشمیر پیپلز ڈیموکریٹک پارٹی سرینگر میں واقع دفتر سیل کر دیا گیا ہے جبکہ متعدد سینئر رہنماؤں اور کارکنوں کو حراست میں لیا گیا ہے۔
پی ڈی پی کو آج سرینگر میں نئے زمینی قوانین کے خلاف احتجاج کرنا تھا۔ تاہم ان کو ایسا ممکن نہیں ہوا۔
اطلاعات کے مطابق حراست میں لئے گئے رہنماؤں میں سینئر رہنما خورشید عالم بھی شامل ہیں۔ انہیں کوٹھی باغ تھانے میں رکھا گیا ہے۔
پی ڈی پی کی رہنما محبوبہ مفتی نے اس سلسلہ میں ایک ٹویٹ کیا اور واقعہ کی مذمت کی۔
انہوں نے ٹویٹر پر لکھا: سرینگر میں پی ڈی پی دفتر کو جموں و کشمیر انتطامیہ نے سیل کر دیا۔ کارکنوں کو پُرامن احتجاج کرنے سے روکا گیا اور گرفتار کیا گیا۔ جموں میں بھی اسی طرح کے احتجاج کی اجازت دی گئی تھی تو پھر یہاں احتجاج کیوں ناکام بنا دیا گیا؟ کیا یہی آپ کی 'نارملسی' ہے جس کو آپ دنیا کو دکھاتے ہیں؟
انہوں نے اپنے اس ٹویٹ میں وزیراعظم نریندر مودی، وزیر داخلہ اور جموں و کشمیر کے لیفٹیننٹ گورنر منوج سنہا کو ٹیگ کیا۔
