سری نگر: جموں و کشمیر کے لیفٹیننٹ گورنر منوج سنہا نے سینٹرل ریزرو پولیس فورس (سی آر پی ایف) اہلکاروں اور ان کے اہلخانہ کو یوم تاسیس پر مبارک باد پیش کی۔ انہوں نے کہا کہ 'اس فورس نے ملک کی سلامتی اور سالمیت کے تحفظ کے لئے غیر متزلزل حوصلے اور قابل تعریف عزم کا مظاہرہ کیا ہے'۔ لیفٹیننٹ گورنر نے جمعرات کو ٹویٹ کرکے کہا کہ 'سی آر پی ایف کے یوم تاسیس پر میری طرف سے تمام اہلکاروں اور ان کے کنبوں کو مبارکباد'۔
انہوں نے کہا کہ ' اس معزز فورس نے ملک کی سلامتی اور سالمیت کے تحفظ کے لئے غیر متزلزل حوصلے اور قابل تعریف عزم کا مظاہرہ کیا ہے'۔ ان کا ٹویٹ میں مزید کہنا تھا: 'قوم ان کی بے لوث خدمات کی ہمیشہ مقروض رہے گی'۔
قابل ذکر ہے کہ سی آر پی ایف کو 27 جولائی 1939 میں قائم کیا گیا تھا تب سے ملک میں 27 جولائی کو سی آر پی ایف کا یوم تاسیس کے بطور منایا جاتا ہے۔ اس موقعے کی مناسبت سے ملک بھر میں اور جموں و کشمیر میں خاص طور سے رنگا رنگ تقاریب کا اہتمام کیا جاتا ہے جن میں اس فورس کی کارکردگیوں کا تذکرہ کیا جاتا ہے۔ واضح رہے کہ سرحدوں کی حفاظت کی ذمہ داری ہندوستانی فوج کی ہے، لیکن ملک کی اندرونی سیکورٹی سی آر پی ایف کے پاس ہے۔ ایسے میں آئیے آپ کو 84 سال قبل قائم ہونے والی سی آر پی ایف کی تاریخ کے بارے میں بتاتے ہیں۔
یو این آئی
