تفصیلات کے مطابق جموں و کشمیر پولیس کی جانب سے سِوِک ایکشن پروگرام کے تحت اس واٹر اسپورٹس فیسٹیول کا انعقاد کیا گیا۔ تین روزہ اس پروگرام میں 200 کے قریب نوجوان لڑکے اور لڑکیاں مختلف آبی کھیلوں میں حصہ لیں گے۔
پولیس سربراہ دلباغ نے سنگھ نے آج نہرو پارک میں اس فیسٹول کا افتتاح کیا۔ اس موقع پر دلباغ سنگھ نے کہا کہ پروگرام تین سال کے بعد منعقد ہورہا ہے۔ پولیس محکمہ کی جانب سے اس طرح کے پروگرامز منعقد کرنے کی ہمیشہ سے کوشش رہی ہے۔
یہ بھی پڑھیں: جموں و کشمیر میں گیارہ نئے قوانین کا نفاذ
دلباغ سنگھ نے بتایا کہ اس طرح کے پروگرامز منعقد کرانے کا مقصد جموں و کشمیر کے نوجوانوں کی صلاحیتوں کو سامنے لانے کے لیے پلیٹ فارم مہیا کرانا ہے۔
انہوں نے بتایا کہ جموں وکشمیر پولیس اپنی پیشہ وارانہ ذمہ داریوں کے علاوہ یہاں کے نوجوانوں کو مختلف کھیلوں میں نام کمانے کے لیے رہنمائی اور مدد فراہم کرنے کے لیے ہمیشہ موجود ہے۔
ڈی جی پی نے واٹر اسپورٹس کو فروغ دینے کی کاوشوں کی ستائش کرتے ہوئے آرگنائزنگ کمیٹی کا شکریہ ادا کیا۔ تقریب میں ایڈیشنل ڈائریکٹر جنرل پولیس (آرمڈ ونگ) اے ڈی جی ایس پی، اے کے چودھری، ایس جے ایم گیلانی، ڈی سی سرینگر شاہد اقبال چودھری اور دیگر سینیئر پولیس اور سِوِل افسران موجود تھے۔
